Aug 26, 2009 (Wed) - 熊之家族又一新成員

去惠康洗得一蚊得一蚊，兩個月後，熊之家族又一新成員。唔係妹妹，又唔係弟弟，而真係一隻熊。一出世就大舊過黃晟琅，好慳米飯！

Aug 25, 2009 (Tue) - 打第二支針，又發燒

今日同琅琅去打第二支針，夜晚又發燒。媽媽好擔心，又用退熱貼，又用濕毛巾去降溫。攪咗成晚。

我就set咗部新camera去monitor皇上睡眠嘅情形，幫皇上護駕。冇錯，呢張相係皇上嘅背形

Paris Hilton style，都有一塊退熱貼...

P.S.努力灌溉後，頭髮已有2mm

Aug 19, 2009 (Wed) - 新龍椅到

前日皇上嘅新龍椅送到。呢架野好似唔錯，又可以坐，又可以瞓。最正就係佢可以swing。希望容易啲叫佢瞓…呢個係繼佢個按摩椅後嘅最新傑作。係今期嘅 best buy of the month!

Aug 14, 2009 (Fri) - 皇上百尺"光頭"

2009-08-14 (Fri)
今日好早就起身。係教鬧鐘，九點就彈起身嗰隻。為乜？咪又係為咗皇上囉！媽寶睇通勝，擇咗日同時晨幫琅琅剪第一次頭髮。

琅琅嘅紅蔥頭髮型一直都係佢嘅標誌。今日我哋要親手張佢剃光，真係好唔願意。不過，為咗琅琅以後啲頭髮生得靚啲，我哋只好恨心地落剪。原諒我們吧，鯊魚頭！

好難剪！又驚整傷佢，又驚佢食咗啲頭髮，又驚啲頭髮入眼…總之就多嘢驚啦。在左驚右驚之下，兩個半鐘頭後終於完成。Mabel第一句說話就係 "淨係剃一次就夠"…我都係咁唸。

琅琅光頭個樣好好笑…好似外星人。我差啲唔認得自己個仔，好怪呀！不過望清楚啲，佢再笑下，都係幾可愛…我唸每個老竇睇個仔都係咁覺得架喇。不過我好肯定大家都認同既係，佢依家真係好似個和尚仔！

Aug 14, 2009 - Just another family day... at home